• admin@chinmyanmarcommunitycare.com.au
  • 03 9001 7440

COVID-19 Rai & Ngandamnak Kong Thawngthanh

COVID-19 Rai & Ngandamnak Kong Thawngthanh

INTRO: COVID-19 kong he pehtlai in theihhngalh a herhmi tete le adangdang ngandamnak lei theih herhmi pawl thanh thannak kan rak ngei than lai.

UPDATES
COVID rai hi a dih rih lo, a liamcia zarh 1 chungah zawtnak ngeimi minung 7597 sin in hmuh a si i minung 137 hi sizung ah an um. Hi chungah a zualhma ngaimi minung 9 an si. Buaktlak in, ni 1 ah COVID-19 zawtnak in minung 6 an nunnak a liam.

FACE MASKS
Cucaah, COVID-19 rai in kan him khawh nakhnga, pehzulh in a herhnak hmun le caan poah ah HMAIHUH kan hman rih ah a tha. Tlangtlawng, bus, taxi le midang he mawtaw cit caan ah HMAIHUH hi I hruk hrimhrim ding ti cu a si lo nain, mah le mah i venhimnak caah I hruk ah cun a tha.

Tlanglawng, bus, taxi le midang he mawtaw i cit caan ah hmaihuh I hruk hrimhrim ding ti cu a si lo nain mah le mah i venhimnak caah i hruk ahcun a tha.

VACCINATION
Thla 6 in kum 5 karlak ngakchia, a bik in thisa der ciami, pum tlamtling lonak a ngeimi, asiloah COVID19- zawtnak ngeih fawiter khomi dam lonak phun pawl a ngeimi ngakchia hna nih COVID-19 raikhamsii i chunh ah a tha.

Hi hna kum rual raikhamsii chunh khawhnak hmun pawl cu The Royal Children’s Hospital, Sunshine Hospital le Monash Medical Centre hna an si.

COVID-19 MEDICINE
COVID-19 sitlang zong a chuak cang.
COVID-19 in sualfak tuk in a zawt nakhnga lo caah din/ei sii a si. Hi sii kong he pehtlai in na chungkhar siibawi (Family doctor) sinah hal khawh a si.

ISOLATION
COID-19 in zawt tikah naa test ni thawk in ni 5 in 7 tiang lengchuak loin inn ah na um a herh. Zawtnak hmelchunhnak a um ti lo ahcun ni 5 hnu cun lengchuah khawh a si. Zawtnak hmelchunh a um rih ahcun ni 7 tiang inn ah um a herh. Cun, zawtnak a ngeimi nih cun sizung, tar le pum tlamtlinglo zohkhenh hmun pawl ahhin ni 7 chung umkal a ngah lo.

THUNDERSTORM ASTHMA
Cun, October – December karlak ahhin Thunderstorm Asthma (Khuhhring Thlichia) a um kho ti a si caah Asthma/khuhhring le hay fever a ngeimi hna caah fak khun in Asthma zawtnak a chuak kho. Cucaah, a bik in thlihran lio/ thli tam lioah leng chuah lo ding, i venkhamnak sii i din cia ding, cun a herhmi i zohkhenhnak ngeih ding a si.

Leave a Reply

Your email address will not be published. Required fields are marked *