• admin@chinmyanmarcommunitycare.com.au
  • 03 9001 7440

COVID-19 In I Venkhamnak [COVIDSafe Behaviours]

COVID-19 In I Venkhamnak [COVIDSafe Behaviours]

Dam Tein An Um Khawh Nakhnga Tuah Ding

COVID rai hi a dih rih lo, nihin tiang ah mizaw tampi hmuh rih an si, sizung ah a ummi zong an um i a nunnak a liammi zong an um rih.

Cucaah, COVID-19 rai kong he pehtlai in kan innchung tangah, kan umkalnak ah le kan riantuannak ah kan zulh, kan tuah a herhmi le kan i ralrin dingmi tete theihter tthannak kan rak tuah lai.

Kan pumpak, kan chungkhar, midang le kan community kan dam nakhnga le kan i himvennak caah daithlang hna hlah u sih! Tling deuh in a tanglei Link ahhin rak ngai chap>>>>

1. Hmaihuh

Hmaihuh nih bia kan chim tikah, kan khuh tikah, kan hachio tikah le kan nih caan ah thli chung in zawtnak i chonhnak a kham asiloah a nuarhter.

Cucaah, Bus/tlanglawng/vanlawng/taxi cung le, midang he hmunkhat ah mawtaw thutti caan, cun sizung le mi damlo zohkhenhnak hmun pawl ah i hruk ding a si. Cun, inn chung ah si seh, inn leng ah siseh mizapi he 1.5 metres hlat in na um khawh lonak hmun ah i hruk ding a si.

Covid zawtnak a ngei tawn lengmangmi na si ahcun, asiloah zawtnak a ngeimi chungkhar naihniam na si ahcun na hruk ah hmaihuh a tha.

2. COVID Test

Kan dam lo asiloah zawtnak hmelchunhnak pakhatkhat kan ngeih a si ahcun zawtnak kan ngeih le ngeih lo i test ding a si. Mah tein I test ding a si, cun a herh ahcun testnak hmun ah kal in i test ah a tha. Kanmah tein kan i test I Positive kan si ahcun thawngthanhnak tuah ding hrimhrim a si.

Kan i testnak thawngin kanmah le kan chungkhar, cun midang ca zong ah i himvennak a si.

3. Raikhamsii chunh

Tling tein raikhamsii i chunhnak nih COVID zawtnak in a kan khamh khawh, fak piin zawtnak asiloah zual ngai in zawtnak in a kan khamh khawh, cun midang zawtnak chonhnak zong a tlawmter. Kum 5 cung voi thumnak tiang i chunh khawh a si, cun kum 30 le a cunglei poah nih a voi 4nak raikhamsii I chunh khawh a si.

4. I thianhhlimhnak Pumpak thianhthlimhnak zong a biapi, cucaah kut zong thiang tein i tawl lengmang ah a tha. Cun, inn zong ah thlithiang luhchuahter lengmang ah a tha. I thianhhlimhnak nih kan pumpak, kan chungkhar hi zawtnak in a kan khamh khawh caah pehzulh in kan tuah peng ah a tha.

Leave a Reply

Your email address will not be published. Required fields are marked *